Os resultados obtidos na execución da campaña de saneamento gandeiro ó abeiro da Orde do 27 de abril de 1994, tanto na diminución do número de focos existentes coma no incremento do número de explotacións cualificadas sanitariamente e un mellor control na reposición de animais, fai necesaria a continuidade da campaña de saneamento gandeiro nas mesmas condicións cás recollidas na orde que se vai prorrogar, con vistas á erradicación das enfermidades obxecto de loita a través das campañas de saneamento e a consecución de áreas xeográficas libres.

Na súa virtude, de acordo co disposto no artigo 30.I.3, en relación co artigo 33.1º do Estatuto de autonomía de Galicia, e en uso das competencias que me confire a Lei 1/1983, do 22 de febreiro, reguladora da Xunta e do seu presidente.

DISPOÑO:

Artigo 1.

Prorrógase a orde da Consellería de Agricultura, Gandería e Montes do 27 de abril de 1994, pola que se establecen as normas para o desenvolvemento da campaña de saneamento gandeiro.

Artigo 2.

As indemnizacións necesarias para o cumprimento desta orde aboaranse con cargo á sección 09, programa 613-A, servicio 03, concepto 700.00, dotado con 150.000.000 de ptas., 770.05, dotado con 600.000.000 de ptas., programas sanitarios especiais da Lei de presupostos xerais da Comunidade Autónoma de Galicia para 1995.

Disposicións derradeiras

Primeira.-Facúltase o director xeral de Producción Agropecuaria e Industrias Agroalimentarias para dicta-las normas necesarias para o mellor cumprimento desta orde.

Segunda.-Esta orde entrará en vigor o día seguinte da súa publicación no Diario Oficial de Galicia.

Santiago de Compostela, 11 de xaneiro de 1995.

Tomás Pérez Vidal

Conselleiro de Agricultura, Gandería e Montes