Dentro do programa de actividades da EGAP para 1994, e conforme as funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, anúnciase a convocatoria de dous cursos de informática básica que deberán desenvolverse conforme as seguintes bases:
Primeira.-Obxectivos.
Proporcionar uns coñecementos básicos de informática que permitan o manexo do ordenador persoal nun contexto ofimático.
Segundo.-Destinatarios.
Persoal de administración da Xunta de Galicia, do Parlamento e do Consello de Contas, con preferencia para o que estea traballando con ordenadores persoais compatibles e careza de preparación adecuada. Estas circunstancias deberán acreditarse no momento de solicita-lo curso, mediante certificación do xefe do centro directivo de dependencia do solicitante.
Cuarta.-Contido básico.
Informática básica. MS-DOS sistema operativo. Contorno operativo Windows.
Quinta.-Solicitudes.
O persoal que reúna os requisitos esixidos nesta convocatoria deberá presentar, cuberta en tódolos epígrafes que lles corresponda, a instancia e o currículum segundo o modelo anexo. A dita documentación dirixirase á EGAP. Polígono das Fontiñas, s/n. 15703 Santiago de Compostela e presentarase en calquera das oficinas previstas na normativa vixente.
Sexta.-Publicación.
A EGAP publicará as listas dos seleccionados no seu taboleiro de anuncios, no da Consellería da Presidencia e Administración Pública e nos das delegacións provinciais desta consellería, sen prexuízo de llelo comunicar directamente ós interesados para que poidan obte-lo permiso de asistencia.
Sétima.-Asistencia e certificados de participación.
É obrigatoria a asistencia a tódalas sesións do curso. Toda inasistencia a clase deberá ser xustificada debidamente polo interesado, sen excede-lo 15%, aínda que sexa xustificada, impedirá a expedición do certificado.
Oitava.-Modificacións.
A EGAP poderá modifica-lo desenvolvemento e mailos contidos dos cursos anunciados para adaptalos ás necesidades da administración e as continxencias que poidan xurdir.
Novena.-Prazo de presentación.
O prazo de presentación de instancias será de 20 días contados desde o seguinte ó da publicación desta resolución no DOG.
Santiago de Compostela, 16 de xaneiro de 1995.
Jaime Rodríguez-Arana Muñoz
Director da Escola Galega de Administración
Pública
