O tribunal designado para xulga-las probas selectivas para o acceso ó corpo de axudantes técnicos da Xunta de Galicia, escala básica de vixilancia pesqueira (grupo D), convocadas por Orde do 24 de febreiro de 1994 (DOG nº 44, do 4 de marzo) dictou a seguinte resolución:
1.-De conformidade co disposto na base II.1.5. da convocatoria, fanse públicas as puntuacións obtidas na fase de concunso polos opositores de acceso pola quenda de promoción interna e aqueles de acceso libre ós que se refire a base II.1.2.1 daquela. As puntuacións estarán expostas a partir do mesmo día da publicación desta resolución no Diario Oficial de Galicia, nos taboleiros de anuncios da Dirección Xeral da Función Pública, delegacións provinciais da Consellería da Presidencia e Administración Pública, Consellería de Pesca, Marisqueo e Acuicultura, e delegacións territoriais e comarcais desta consellería.
Contra estas puntuacións os interesados poderán formular reclamación diante do tribunal, con sede na Dirección Xeral da Función Pública da Consellería da Presidencia e Administración Pública (edificio administrativo San Caetano, Santiago de Compostela), no prazo de dez días contados a partir do seguinte ó da publicación desta resolución no Diario Oficial de Galicia.
2.-Quedan anuladas as preguntas números 40, 41 e 42 da primeira proba (exame tipo test) do primeiro exercicio da fase de oposición, realizado o día 19 de decembro, por considerar que ningunha das respostas é correcta. Estas preguntas non se terán en conta á hora de corrixir este primeiro exercicio.
Santiago de Composlela, 13 de xaneiro de 1995.
A. Alejandro Alonso Pantoja
Presidente do tribunal
CONSELLERÍA DE CULTURA,
COMUNICACIÓN SOCIAL
E TURISMO