En sesión mantida o día 10 de xaneiro de 1995 polo tribunal designado para xulga-las probas selectivas para o acceso ó corpo facultativo de grao medio da Administración especial da Xunta de Galicia, escala técnica de vixilancia pesqueira (grupo B), convocadas por orde da Consellería da Presidencia e Administración Pública do 24 de febreiro de 1994 (DOG nº 45, do 7 de marzo), acordouse dicta-la seguinte resolución:
I.-De conformidade co disposto na base II.2.1 da convocatoria, apróbanse as puntuacións obtidas no primeiro exercicio da fase de oposición, que se atopan expostas, a partir do mesmo día da publicación desta resolución no Diario Oficial de Galicia, nos taboleiros de anuncios da Dirección Xeral da Función Pública, das delegacións provinciais da Consellería da Presidencia e Administración Pública, da Consellería de Pesca, Marisqueo e Acuicultura, e das delegacións territoriais e comarcais desta consellería.
II.-Segundo o disposto na base 11.2.1 da convocatoria, superaron o primeiro exercicio e pasan á segunda fase da oposición os aspirantes que obtivesen unha puntuación igual ou superior a 4,5 puntos.
III.-Convócanse para o segundo exercicio da fase de oposición, consistente nunha práctica de navegación marítima, os aspirantes comprendidos entre Ordas Patiño, Gerardo e Roel Martín, José Manuel, ambos incluídos. O exercicio realizarase o día 7 de febreiro de 1995, ás 9,30 horas, no Centro de Control de Calidade do Medio Mariño (peirao de Vilaxoán, s/n. Vilagarcía de Arousa), e os aspirantes deberán presentarse provistos de DNI ou documento fidedigno acreditativo da súa identidade.
Segundo a base II.3.4 da convocatoria, os restantes aspirantes serán convocados mediante anuncio que se publicará no taboleiro de anuncios do citado centro, con doce horas, polo menos, de antelación ó inicio do exercicio.
Santiago de Compostela, 10 de xaneiro de 1995.
Ana María Gallego Castro
Presidenta do tribunal