De conformidade coa proposta elevada pola comisión constituída para xulga-lo concurso, convocado por resolución desta universidade do 29 de novembro de 1993 (BOE do 22 de decembro de 1993) para a provisión da praza de profesor titular de universidade da área de coñecemento de arquitectura e tecnoloxía de computadores, do departamento de Electrónica e Computación desta Universidade de Santiago de Compostela, a favor de Francisco Santiago Argüello Pedreira, e cumprindo o interesado os requisitos a que alude o apartado 2 do art. 5º do Real decreto 1.888/1984, do 26 de setembro,

Este rectorado, en uso das atribucións conferidas polo art. 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Francisco Santiago Argüello Pedreira, profesor titular de universidade da área de coñecemento de arquitectura e tecnoloxía de computadores, do departamento de Electrónica e Computación desta Universidade de Santiago de Compostela.

Santiago de Compostela, 20 de decembro de 1994.

F. Darío Villanueva Prieto

Rector da Universidade de Santiago de Compostela