O 2 de decembro de 1994, a Dirección Xeral da Función Pública recibe da Sala do Contencioso-Administrativo, sección primeira, do Tribunal Superior de Xustiza de Galicia, telegrama polo que se admite o recurso contencioso-administrativo número 01/0002317/1994, interposto por Isabel Vázquez Suárez contra Resolución do 20 de outubro de 1994 do director xeral da Función Pública que denega solicitude da recorrente de 18-7-1994, sobre integración no cargo administrativo da Xunta, grupo C.
En consecuencia, esta dirección xeral acordou nesta data, e de conformidade co disposto no artigo 64 da Lei do 27 de decembro de 1956, reguladora da xurisdicción contencioso-administrativa, modificada pola Lei 10/1992, do 30 de abril, a remisión do correspondente expediente administrativo á referida sala, o que se lles notifica para xeral coñecemento a tódalas persoas interesadas no procedemento e son emprazadas para que poidan comparecer e constituírse en parte en autos na Sala do Contencioso-Administrativo do Tribunal Superior de Xustiza de Galicia no prazo de nove días.
Santiago de Compostela, 28 de decembro de 1994.
Joaquín López-Rúa Soler
Director xeral da Función Pública