A Delegación Provincial de Industria de Pontevedra, en aplicación do art. 28.2 da Lei de minas 22/1973, do 21 de xullo, e a Lei 30/1992, do 26 de novembro, de réxime xurídico das administracións públicas, pon en coñecemento de todos aqueles que se consideren interesados, para que poidan faca-las alegacións que coiden pertinentes no prazo de un mes a partir da data da presente publicación no Boletin Oficial del Estado, que a sociedade mercantil Aguas de Mondariz-Fuente del Val, S.A., con data 20-4-1994, presentou na Delegación Provincial de Industria de Pontevedra solicitude de unificación, cambio de denominación e ampliación dos perímetros de protección das augas minero-medicinais, minero-naturais e minerais naturais carbónicas, da súa titularidade, nomeados Fuente del Val e Gándara e Troncoso.
A sociedade Aguas de Mondariz-Fuente del Val, S.A. xustifica a unificación dos perímetros de protección anteriormente reseñados e o cambio de denominación co termo de Aguas de Mondariz-Fuente del Val baseándose en que ámbolos perímetros estrenan sen solución de continuidade para evitar interpretacións erróneas nos etiquetados da auga que procedentes dos mananciais da súa titularidade comercializa.
O novo perímetro de protección que a sociedade propón para cubri-la zona de influencia do todo o acuífero das Aguas de Mondariz-Fuente del Val, está xustificada no proxecto técnico achegado pola dita sociedade e do que, con data 4-11-1994, emitiu
informe favorable a Dirección Xeral de Augas Subterráneas e Xeotecnia do Instituto Tecnolóxico e Xeomineiro de España, comprendendo unha extensión de 155 cuadrículas mineiras, englobadas polos seguintes vértices perimetrais coas seguintes coordenadas xeográficas orixe do meridiano de Greenwich:
Que supón un total de 155 cuadrículas mineiras.
Pontevedra, 14 de decembro de 1994.
Ramón Álvarez Abad
Delegado provincial de Pontevedra