En virtude do disposto na sentencia firme da Audiencia Provincial de Pontevedra, recaída na causa baixo o número 97/1987, procedente do Xulgado de Instrucción número tres de Pontevedra, que con data 17 de outubro de 1991, acorda deixar sen efecto a concesión das bateas «B. G. nº 2», «B. G. nº 3» e «B. G. nº 4», que se atopan a nome de Miguel Ángel Rosales González, restituíndo a concesión a nome de Maximino Rouco Curro, por se ter declarado na referida sentencia a nulidade das escrituras de venda das citadas bateas, e que este último cedera ó anterior en vendas declaradas nulas, así como a partición xudicial dos bens da sociedade de gananciais dos esposos Maximino Rouco Curro e Enma Paredes Pequeño, protocolizada ante o notario Rafael Sanmartín Losada o 6-5-1987, co número 891 do seu protocolo.
Polo tanto, de acordo coa citada sentencia e partición xudicial dos bens da sociedade de gananciais se adxudica a cada cónxuxe, en propiedade exclusiva das seguintes bateas:
A Maximino Rouco Curro: «B.G. nº 3» e «B.G. nº 4».
A Enma Paredes Pequeño: «B.G. nº 2».
En conclusión, as bases de revisión e acordo de reordenación do distrito marítimo de Redondela deberanse modificar na forma antes reseñada, para os efectos de que aquelas coincidan coa actual situación xurídica.
O que lle comunico a vostede para o seu coñecemento e efectos.
Santiago de Compostela, 16 de decembro de 1994.
Juan Caamaño Cebreiro
Conselleiro de Pesca, Marisqueo e Acuicultura