Advertidos erros na dita orde, publicada no Diario Oficial de Galicia número 178-BIS, do 2 de setembro de 2020, é necesario facer as seguintes correccións:

Na páxina 34936, onde di:

«Sétimo. Perda de efecto nos concellos de Abegondo, Bergondo, Carral e Sada das medidas de prevención previstas na Orde do 26 de agosto de 2020

1. Déixanse sen efecto nos concellos de Abegondo, Bergondo, Carral e Sada as medidas de prevención previstas no punto segundo da Orde do 26 de agosto de 2020 pola que se establecen determinadas medidas de prevención como consecuencia da evolución da situación epidemiolóxica derivada do COVID-19 nos concellos da Coruña, Arteixo, Cambre, Culleredo, Oleiros, Abegondo, Bergondo, Carral e Sada».

Debe dicir:

«Sétimo. Perda de efecto nos concellos de Abegondo, Bergondo, Carral e Sada das medidas de prevención previstas na Orde do 7 de agosto de 2020

1. Déixanse sen efecto nos concellos de Abegondo, Bergondo, Carral e Sada as medidas de prevención previstas no punto segundo da Orde do 7 de agosto de 2020 pola que se establecen determinadas medidas de prevención como consecuencia da evolución da situación epidemiolóxica derivada do COVID-19 nos concellos da Coruña, Arteixo, Cambre, Culleredo, Oleiros, Abegondo, Bergondo, Carral e Sada».