O día 8 de xullo de 2024 publicouse no Diario Oficial de Galicia núm. 131 a Orde do 25 de xuño de 2024 pola que se establecen as bases reguladoras para a concesión, en réxime de concorrencia competitiva, de axudas para fomentar a innovación, a mellora tecnolóxica e a competitividade no sector da acuicultura, cofinanciadas co Fondo Europeo Marítimo, de Pesca e de Acuicultura (FEMPA), e se procede á súa convocatoria para o ano 2024 (código de procedemento PE205I).
O artigo 3.6 da orde distribúe o crédito dispoñible para a concesión das axudas con carácter plurianual, con cargo á seguinte aplicación orzamentaria:
Aplicación orzamentaria |
Proxecto |
Ano 2024 |
Ano 2025 |
Total |
46.02.723A.770.3 |
2023 00189 |
428.571,00 € |
400.000,00 € |
828.571,00 € |
Unha vez rematado o prazo de presentación de solicitudes, o día 8 de agosto de 2024, comprobouse que o crédito inicial para a anualidade 2025 resulta insuficiente para atender as solicitudes presentadas que cumpran cos requisitos establecidos na Orde do 25 de xuño de 2024, e que o importe solicitado para a anualidade 2024 é inferior ao crédito dispoñible para esta anualidade, polo que procede realizar un reaxuste minorando a anualidade 2024 e incrementando o mesmo importe na anualidade 2025.
Segundo o artigo 26.3 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, é posible modificar a distribución inicialmente aprobada nunha convocatoria de subvencións, supeditándoa unicamente á tramitación do correspondente reaxuste de anualidades no expediente de gasto e á súa publicación nos mesmos medios que a convocatoria.
Por todo o anterior, e no uso das facultades que me foron conferidas,
DISPOÑO:
Artigo único
Primeiro. Reaxústanse as anualidades previstas na aplicación 46.02.723A.770.3 do proxecto 2023 00189, sen incrementar o orzamento total da convocatoria, minorando a anualidade 2024 en 280.000,00 euros e incrementando o mesmo importe na anualidade 2025. Os créditos quedarían coa seguinte distribución plurianual:
Aplicación orzamentaria |
Proxecto |
Ano 2024 |
Ano 2025 |
Total |
46.02.723A.770.3 |
2023 00189 |
148.571,00 € |
680.000,00 € |
828.571,00 € |
Segundo. A publicación desta orde non supón a apertura dun novo prazo de presentación de solicitudes.
Disposición derradeira única
Esta orde producirá efectos a partir do día seguinte ao da súa publicación no Diario Oficial de Galicia.
Santiago de Compostela, 9 de outubro de 2024
Alfonso Villares Bermúdez
Conselleiro do Mar