BDNS (Identif.): 783976.
De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo se pode consultar na Base de datos nacional de subvencións (http://www.pap.minhap.gob.es/bdnstrans/index).
Primeiro. Beneficiarias
1. Poderán acceder á condición de beneficiarias das presentes subvencións:
a) As empresas legalmente constituídas, as asociacións de empresarios e os autónomos, que teñan domicilio social ou algún centro de traballo en Galicia.
b) As empresas de servizos enerxéticos que xestionen total ou parcialmente instalacións consumidoras de enerxía e que o obxecto destes contratos de servizos sexa a consecución de aforro económico derivado dun menor consumo de enerxía. Os centros de consumo en que se actúe deben estar situados en Galicia e corresponder a empresas incluídas no ámbito de actuación das presentes bases e, en concreto, ás actividades recollidas neste punto e amparadas polo Regulamento (UE) 651/2014 da Comisión, do 17 de xuño de 2014, polo que se declaran determinadas categorías de axudas compatibles co mercado interior.
Segundo. Obxecto
Concesión de subvencións para a realización de proxectos de infraestruturas de almacenamento enerxético que favorezan a electrificación da demanda de enerxía, que cumpran cos requisitos e condicións establecidos no articulado destas bases reguladoras.
Terceiro. Bases reguladoras e convocatoria
Resolución do 26 de agosto de 2024 pola que se establecen as bases reguladoras e se anuncia a convocatoria de subvencións para proxectos de infraestruturas de almacenamento enerxético, que favorezan a electrificación da demanda de enerxía para o ano 2024, cofinanciadas polo Fondo Europeo de Desenvolvemento Rexional no marco do programa Galicia Feder 2021-2027 (código de procedemento IN425A).
Cuarto. Contía
1. A intensidade da axuda, segundo o tipo de beneficiario e a tipoloxía de proxecto, será a seguinte:
Beneficiario |
Tipoloxía de proxecto (segundo art. 7) |
|
Proxectos de almacenamento enerxético relacionados coa infraestrutura de recarga de alta potencia (> 100 kW) para vehículos eléctricos (%) |
Resto de proxectos considerados (%) |
|
Gran empresa |
20 % |
30 % |
Mediana empresa |
40 % |
40 % |
Pequena empresa |
50 % |
50 % |
2. A contía máxima da axuda por proxecto será de 500.000 €.
3. A axuda máxima por entidade beneficiaria no conxunto da convocatoria será de 1.000.000,00 de euros.
4. En ningún caso o custo de adquisición dos gastos subvencionables poderá ser superior ao valor do mercado.
Quinto. Prazo de presentación de solicitudes
1. O prazo de presentación de solicitudes será de dous meses contados desde o sétimo (7º) día natural seguinte ao da publicación desta resolución no DOG, ás 9.00 horas. Se o final do prazo coincide en día inhábil, prorrogarase ata o seguinte día hábil.
2. As solicitudes presentaranse obrigatoriamente por medios electrónicos a través do formulario normalizado accesible desde a sede electrónica da Xunta de Galicia, https://sede.xunta.gal, e na páxina web do Inega. Para o acceso a aplicación de presentación das solicitudes será necesario o número do NIF e o contrasinal determinado polas persoas interesadas.
Santiago de Compostela, 26 de agosto de 2024
Pablo Fernández Vila
Director do Instituto Enerxético de Galicia