Na sesión que tivo lugar o día 29 de agosto de 2024, o tribunal nomeado pola Resolución do 21 de decembro de 2023 (DOG núm. 1, do 2 de xaneiro de 2024), para cualificar o proceso selectivo para o ingreso, polas quendas de acceso libre e de promoción interna, no corpo auxiliar da Administración xeral da Comunidade Autónoma de Galicia, subgrupo C2, en prazas reservadas para seren cubertas por persoas que acrediten discapacidade intelectual, convocado pola Resolución do 30 de marzo de 2022 (DOG núm. 65, do 4 de abril),

ACORDOU:

Primeiro. De conformidade co disposto na base 2.1.1.2, o segundo exercicio é obrigatorio non eliminatorio e cualificarase de 0 a 10 puntos. Corresponderalle ao tribunal determinar o coñecemento da lingua galega de acordo co nivel do Celga requirido no proceso selectivo (Celga 3 ou equivalente).

Segundo. Unha vez realizada a corrección do segundo exercicio nas sesións do 17 de xullo e do 29 de agosto de 2024, publicar as cualificacións obtidas polas persoas aspirantes convocadas:

NIF	Apelidos e nome	Cualificación 2º exercicio
***1759**	Martínez Gomila, Francisco Javier	10 puntos

Terceiro. De acordo co disposto na base 2.1.2.8 da convocatoria, as persoas aspirantes poderán presentar as alegacións que consideren oportunas con relación ás puntuacións, no prazo de dez (10) días hábiles contados desde o seguinte ao de publicación desta resolución no Diario Oficial de Galicia.

Cuarto. De conformidade co disposto na base 4.13 da orde de convocatoria, contra este acordo poderase interpoñer recurso de alzada ante o conselleiro de Facenda e Administración Pública, nos termos previstos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 30 de agosto de 2024

Constantino Piñeiro Cajete
Presidente do tribunal