No Boletín Oficial da provincia de Pontevedra, número 138, do 16 de xullo de 2024, publicáronse integramente as bases que rexerán a convocatoria para prover:
– Unha (1) praza de oficial de policía, pertencente á escala de Administración especial, subescala servizos especiais, clase oficiais de policía, segundo o previsto na Lei 4/2007, de coordinación de policías locais de Galicia, encadrada no grupo de titulación C1, nivel de CD 22, pola quenda de promoción interna, mediante o procedemento de concurso-oposición.
O prazo de presentación de solicitudes será de vinte (20) días hábiles, contado desde o seguinte ao da publicación deste anuncio no Boletín Oficial del Estado.
Os sucesivos anuncios referentes a esta convocatoria, cando proceda conforme as bases, publicáranse no taboleiro de anuncios da sede electrónica do Concello de Marín.
Marín, 1 de agosto de 2024
María Ramallo Vázquez
Alcaldesa presidenta