DOG 145 do 29/7/2024 - ANUNCIO do 15 de xullo de 2024, da Xerencia da Área Sanitaria de Ourense, Verín e O Barco de Valdeorras, polo que se dá publicidade da resolución da mesma data pola que se convoca para a súa provisión, polo procedemento de libre designación, un posto vacante de xefe/a de persoal de xestión e servizos.

IV. Oposicións e concursos

Servizo Galego de Saúde

ANUNCIO do 15 de xullo de 2024, da Xerencia da Área Sanitaria de Ourense, Verín e O Barco de Valdeorras, polo que se dá publicidade da resolución da mesma data pola que se convoca para a súa provisión, polo procedemento de libre designación, un posto vacante de xefe/a de persoal de xestión e servizos.

De conformidade co establecido no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, e na Orde do 24 de maio de 2006 (DOG núm. 106, do 5 de xuño) pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, e en virtude das competencias atribuídas polo Decreto 137/2019, do 10 de outubro (DOG núm. 208, do 31 de outubro), polo que se establece a estrutura orgánica do Servizo Galego de Saúde, e na Orde do 22 de abril de 2020 (DOG núm. 82, do 29 de abril) de delegación de competencias en órganos centrais e periféricos da Consellería de Sanidade e do Servizo Galego de Saúde e na Axencia Galega para a Xestión do Coñecemento en Saúde, e no Decreto 134/2019, do 10 de outubro (DOG núm. 204, do 25 de outubro), polo que se regulan as áreas sanitarias e os distritos sanitarios do Sistema público de saúde de Galicia, esta xerencia

DISPÓN:

Anunciar a convocatoria para cubrir, polo procedemento de libre designación, un posto vacante de xefe/a de persoal de xestión e servizos que se relaciona no anexo deste anuncio.

As bases íntegras da citada convocatoria estarán expostas nos taboleiros de anuncios da Área Sanitaria de Ourense, Verín e O Barco de Valdeorras e na páxina web do Sergas (www.sergas.es).

As solicitudes deberán presentarse nas unidades de rexistro dos centros integrantes da Xerencia da Área Sanitaria de Ourense, Verín e O Barco de Valdeorras, no prazo de quince (15) días hábiles, contados desde o día seguinte ao da data da publicación do anuncio desta convocatoria no Diario Oficial de Galicia.

Así mesmo, poderán presentarse a través de calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Ourense, 15 de xullo de 2024

José Santiago Camba Bouzas
Xerente da Área Sanitaria de Ourense,
Verín e O Barco de Valdeorras

ANEXO

Denominación do posto: xefe/a do Servizo de Recursos Humanos para a coordinación de sistemas de xestión e tecnoloxías da información da Área Sanitaria de Ourense, Verín e O Barco de Valdeorras.

Número vacantes: 1.