DOG 141 do 22/7/2024 - ANUNCIO do 12 de xullo de 2024, da Xerencia da Área Sanitaria de Ourense, Verín e O Barco de Valdeorras, polo que se procede a dar publicidade á resolución da mesma data pola que se convoca para a súa provisión, polo procedemento de concurso de méritos, un posto vacante de xefatura de persoal de xestión e servizos (xefe/a do Grupo de Compras e Subministracións).

IV. Oposicións e concursos

Servizo Galego de Saúde

ANUNCIO do 12 de xullo de 2024, da Xerencia da Área Sanitaria de Ourense, Verín e O Barco de Valdeorras, polo que se procede a dar publicidade á resolución da mesma data pola que se convoca para a súa provisión, polo procedemento de concurso de méritos, un posto vacante de xefatura de persoal de xestión e servizos (xefe/a do Grupo de Compras e Subministracións).

De conformidade co establecido no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, e na Orde do 24 de maio de 2006 (DOG núm. 106, do 5 de xuño) pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, e en virtude das competencias atribuídas polo Decreto 137/2019, do 10 de outubro (DOG núm. 208, do 31 de outubro), polo que se establece a estrutura orgánica do Servizo Galego de Saúde; pola Orde do 22 de abril de 2020 (DOG núm. 82, do 29 de abril) de delegación de competencias en órganos centrais e periféricos da Consellería de Sanidade e do Servizo Galego de Saúde e na Axencia Galega para a Xestión do Coñecemento en Saúde, e polo Decreto 134/2019, do 10 de outubro (DOG núm. 204, do 25 de outubro), polo que se regulan as áreas sanitarias e os distritos sanitarios do Sistema público de saúde de Galicia, esta xerencia

DISPÓN:

Anunciar a convocatoria para cubrir, polo procedemento de concurso de méritos, o posto vacante de xefatura de persoal de xestión e servizos que se relaciona no anexo do presente anuncio.

As bases íntegras da citada convocatoria estarán expostas nos taboleiros de anuncios da Área Sanitaria de Ourense, Verín e O Barco de Valdeorras e na páxina web do Sergas (www.sergas.es).

As solicitudes deberán presentarse nas unidades de rexistro dos centros integrantes da Xerencia da Área Sanitaria de Ourense, Verín e O Barco de Valdeorras, no prazo de 15 días hábiles, contados desde o día seguinte á data da publicación do anuncio da presente convocatoria no Diario Oficial de Galicia.

Así mesmo, poderán presentarse a través de calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Ourense, 12 de xullo de 2024

José Santiago Camba Bouzas
Xerente da Área Sanitaria de Ourense, Verín e O Barco de Valdeorras

ANEXO

Denominación do posto: xefe/a do Grupo de Compras e Subministracións da Área Sanitaria de Ourense, Verín e O Barco de Valdeorras.

Número vacantes: 1.