O artigo 49.4 da Lei 1/2016, do 18 de xaneiro, de transparencia e bo goberno, establece a obriga de tódolos cargos públicos incluídos no seu ámbito de aplicación, definido no artigo 37, de cubrir unha declaración comprensiva da súa situación patrimonial, no modelo que aprobe a persoa titular da consellería competente en materia de función pública.

Esta declaración deberá ser presentada no Rexistro de Bens Patrimoniais no prazo dos tres meses seguintes á data de toma de posesión e de cesamento, respectivamente, ante a Oficina de Incompatibilidades e Boas Prácticas, para a súa publicación no Diario Oficial de Galicia.

Pola Orde do 3 de marzo de 2016 do titular da consellería competente en materia de función pública apróbanse os modelos oficiais de declaracións que deben formular os altos cargos incluídos no ámbito de aplicación da Lei 1/2016, do 18 de xaneiro, de transparencia e bo goberno (DOG núm. 44, do 4 de marzo).

Segundo Decreto 113/2024, do 29 de abril, Roberto Barba Alvedro foi nomeado e tomou posesión no cargo de director xeral de Loita contra a Violencia de Xénero (DOG núm. 85, do 30 de abril), e presentou o anexo IV, ContIdo da declaración de bens patrimoniais para a súa publicación no Diario Oficial de Galicia, no Rexistro de Bens Patrimoniais de Altos Cargos.

Procede, en consecuencia, dar publicidade ao contido do anexo presentado para tal efecto, comprensivo da situación patrimonial que declara ao seu nomeamento, e que se publica como anexo a este anuncio.

Tal e como consta no referido modelo anexo IV:

1. Non se inclúen os seguros de vida.

2. No suposto de bens indivisos, indícase o valor que corresponde segundo a porcentaxe de participación do declarante no ben ou dereito patrimonial.

Santiago de Compostela, 3 de xullo de 2024

Nuria Aguilar Vázquez
Directora xeral de Emprego Público e Administración de Persoal

ANEXO

Titular do cargo: Roberto Barba Alvedro.

Cargo público orixe da declaración: director xeral de Loita contra a Violencia de Xénero.

Motivo: toma de posesión.

I. Activo:.

1. Bens inmobles (segundo o valor catastral): 152.139,76 euros.

2. Valor total doutros bens: 95.000 euros.

3. Total: 247.139,76 euros.

II. Pasivo (créditos, préstamos, débedas, etc.): 197.951,60 euros.