Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:

– Solicitante: UFD Distribución Electricidad, S.A.

– Domicilio social: avenida América, núm. 38, 28028 Madrid.

– Denominación: substitución dos apoios AR23FOOA//D78 e AR01TITN//D79, da LMTA dobre circuíto, LAL805 e LAL810.

– Situación: Lalín.

– Descricións técnicas:

Substitución dos apoios AR23FOOA//D78 e AR01TITN//D79, da liña de media tensión aérea (LMTA) dobre circuíto, LAL805, tramo LA8053182, e LAL810, tramo LA8101297, por un apoio C-2000/16 e un C-1000/16, respectivamente.

LMTA LAL805 a 20 kV, con condutor LA-110, de 104 metros de lonxitude, coa orixe no apoio proxectado C-2000/16 e final no apoio proxectado C-1000/16.

LMTA LAL810 a 20 kV, con condutor LA-110, de 104 metros de lonxitude, coa orixe no apoio proxectado C-2000/16 e final no apoio proxectado C-1000/16.

A instalación está situada en Afonsín, na parroquia de Barcia (Santo Estevo), no concello de Lalín (Pontevedra).

A relación concreta e individualizada dos bens ou dereitos que se van expropiar figura no anexo.

Todas aquelas persoas ou entidades que se consideren afectadas poderán presentar as súas alegacións neste departamento territorial, na avenida María Victoria Moreno, núm. 43, 36071 Pontevedra, no prazo máximo de trinta días, a partir da última publicación ou notificación individual.

O proxecto encóntrase á disposición do público para a súa consulta no portal da Consellería de Economía e Industria (https://economia.xunta.gal/transparencia/documentos-sometidos-a-informacion-publica?langId=gl_ES) durante o prazo de trinta días hábiles, contados a partir do día seguinte ao da publicación deste anuncio no Diario Oficial de Galicia.

Durante o dito período calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.

Pontevedra, 25 de xuño de 2024

Beatriz López del Olmo
Directora territorial de Pontevedra

ANEXO

Nº de expediente: IN407A 2024/214-4.

Denominación: substitución dos apoios AR23FOOA//D78 e AR01TITN//D79, da LMTA dobre circuíto, LAL805 e LAL810.

Concello: Lalín.

Nº	Lugar	Cultivo	Referencia catastral	Titular	Apoio
					Nº	m2
1	Zarra Regueira	Rústico	36024A2555001850000YE	Hrdos. Miguel Joaquín Ramos Bravo	1	1,69
2	Zarra Regueira	Rústico	36024A255002450000YI	Hrdos. Miguel Joaquín Ramos Bravo	2	1,69