Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:

Solicitante: UFD Distribución Electricidad, S.A.

Domicilio social: avenida América, 38, 28028 Madrid.

Denominación: substitución do apoio A4PHK9UP, instalación RC e LMTS RED709.

Situación: Redondela.

Características técnicas:

Substitución do apoio A4PHK9UP da liña de media tensión aérea (LMTA) RED709 por un apoio C-3000/14.

LMTA a 15 kV, con condutor tipo LA-56 de 28 metros de lonxitude, con orixe no apoio proxectado C-3000/14 e final no apoio existente HVH-1000/13, A4ORB1JC//A4ORB1JC.

Liña de media tensión subterránea (LMTS) a 15 kV, con condutor RHZ1, de 1.227 metros de lonxitude, con orixe no apoio existente A4I6S7MX//A4I6S7MX, mediante un paso aéreo subterráneo, e final no centro de transformación A Veiga, en Tuimil.

Instalación dun reconectador telecontrolado no apoio A4I6S7MX//A4I6S7MX.

A instalación está situada en Outeiro das Penas, na parroquia de Cesantes, e en Tuimil, na parroquia do Viso, no municipio de Redondela (Pontevedra).

A relación concreta e individualizada dos bens ou dereitos que se van expropiar figura no anexo.

Todas aquelas persoas ou entidades que se consideren afectadas poderán presentar as súas alegacións neste departamento territorial, avenida María Victoria Moreno, nº 43, 36071 Pontevedra, no prazo máximo de trinta (30) días, a partir da última publicación ou notificación individual.

O proxecto encóntrase á disposición do público para a súa consulta no portal da Consellería de Economía e Industria (https://economia.xunta.gal/transparencia/documentos-sometidos-a-informacion-publica?langId=gl_ES) durante o prazo de trinta (30) días hábiles, contados a partir do día seguinte ao da publicación deste anuncio no Diario Oficial de Galicia.

Durante o dito período calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.

Pontevedra, 25 de xuño de 2024

Beatriz López del Olmo
Directora territorial de Pontevedra

ANEXO

Nº de expediente: IN407A 2024/193-4.

Denominación: substitución do apoio A4PHK9UP, instalación RC e LMTS RED709.

Concello: Redondela.

Nº	Lugar	Cultivo	Referencia catastral	Titular	Apoio
					Nº	m2
1	Godoi	Monte alto	36045A004008360000WD	Descoñecido/a	A4OGS SRW// A4OGSSRW	2,00