Mediante a Resolución do 11 de maio de 2023 (DOG núm. 97, do 24 de maio) e a corrección de erros publicada no DOG núm. 108, do 8 de xuño de 2023, nomeáronse os tribunais cualificadores da convocatoria excepcional do proceso selectivo de estabilización, polo sistema de concurso de méritos, para o ingreso á condición de persoal estatutario fixo en diversas categorías de persoal estatutario, convocado polas resolucións do 26, 27 e 28 de decembro de 2022.

Na base sétima da Resolución do 26 de decembro de 2022 (DOG núm. 4, do 5 de xaneiro de 2023), de convocatoria do proceso selectivo de estabilización, disponse que a autoridade convocante publicará no Diario Oficial de Galicia a resolución pola que se nomeen os novos membros que teñan que substituír os que perderon a súa condición por algunha das causas previstas.

De conformidade coa mencionada base, e por circunstancias sobrevidas, esta dirección, como órgano convocante do proceso,

ACORDA:

Primeiro. Nomear, con efectos desde a data desta resolución, un novo membro dos tribunais cualificadores do proceso selectivo de estabilización, polo sistema de concurso de méritos, para o ingreso en diversas categorías de persoal estatutario fixo convocado pola Resolución do 26 de decembro de 2022 (DOG núm. 4, do 5 de xaneiro de 2023), nos termos que a seguir se indican:

Tribunal de área clínica I:

Secretaria titular: Fiel Paz, Nieves. Persoal estatutario de xestión e servizos. Técnica superior de Sistemas e Tecnoloxías da Información, en substitución de García Caeiro, Javier. Funcionario do corpo superior da Administración xeral da Comunidade Autónoma de Galicia.

Santiago de Compostela, 4 de xullo de 2024

María del Mar Pousa Cobas
Directora xeral de Recursos Humanos