En cumprimento do previsto no artigo 142 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:

Solicitante: Comunidade de Usuarios de Fraga.

Expediente: DH.A36.96744.

Volume total anual: 34.577,30 m3/ano.

Caudal máximo instantáneo: 1,10 l/s.

Destino: abastecemento.

Orixe: cinco (5) mananciais: M1 a M5.

M1, M3 e M4 na parcela 264, polígono 6.

M2 na parcela 90, polígono 6.

M5 na parcela 11, polígono 17.

Todas do catastro de Gondomar.

Lugar: A Fraga.

Parroquia: Vincios.

Concello: Gondomar.

Descrición:

A auga procedente das cinco captacións reúnese para conducila a depósito na parcela 162, polígono 6, desde o que se distribúe ás vivendas e locais que abastece a Comunidade no lugar da Fraga, Vincios (Gondomar), e Vilaverde, Zamáns (Vigo).

O proxecto pode consultarse na sección de participación pública do portal da internet de Augas de Galicia (https://augasdegalicia.xunta.gal), e nas oficinas deste servizo territorial, situadas na rúa San Salvador, nº 2-4º, 36240 Vigo (Pontevedra).

Os interesados poderán presentar alegacións durante o prazo de vinte (20) días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Vigo, 19 de xuño de 2024

Susana Pérez González
Xefa do Servizo Territorial
da Zona Hidrográfica de Galicia Sur