O Xurado Provincial de Montes Veciñais en Man Común de Ourense, en sesión do 14 de maio de 2024, acordou iniciar os trámites para a clasificación como veciñal en man común do monte coas características que a seguir se relacionan:

Nome do monte : O Picouto dos Corvos.

Superficie: 2,36 ha.

Pertenza: CMVMC de Fragoso.

Parroquia: Macendo (Santa María).

Concello: Castrelo de Miño.

Descrición dos predios que constitúen o monte:

Predio único:

Os terreos incluídos neste predio constitúen un único couto redondo, segundo a definición que figura no artigo 8 da Lei 7/2012, do 28 de xuño, de montes de Galicia, ben que están atravesados por un camiño sen catastrar.

Parcelas obxecto de clasificación	Parcelas estremeiras
Referencia catastral	Lindeiros	Referencia catastral
32023A03000048 (parte)	Norte	32023A03509001 32023A03509003 32023A03009004
	Leste	32023A03009004 32023A03009002
	Sur	32023A03009002 32017A10700209
	Oeste	32017A10700209 32023A03000086
	Encravados	32023A03000089

O que se pon en coñecemento de todos os interesados, indicándolles que se abre un período dun mes para que poidan examinar o expediente e efectuar as alegacións que consideren convenientes, así como achegar os documentos ou informacións que xulguen oportunos, de conformidade co disposto no artigo 23 do Decreto 260/1992, do 4 de setembro, polo que se aproba o Regulamento para a execución da Lei 13/1989, do 10 de outubro, de montes veciñais en man común.

Ourense, 25 de xuño de 2024

José Antonio Armada Pérez
Presidente do Xurado Provincial de Clasificación
de Montes Veciñais en Man Común de Ourense