O artigo 49.4 da Lei 1/2016, do 18 de xaneiro, de transparencia e bo goberno, establece a obriga de todos os cargos públicos incluídos no seu ámbito de aplicación, definido no artigo 37, de cubrir unha declaración comprensiva da súa situación patrimonial, no modelo que aprobe a persoa titular da consellería competente en materia de función pública.

Esta declaración deberá ser presentada no Rexistro de Bens Patrimoniais no prazo dos tres meses seguintes á data de toma de posesión e de cesamento, respectivamente, ante a Oficina de Incompatibilidades e Boas Prácticas, para a súa publicación no Diario Oficial de Galicia.

Pola Orde do 3 de marzo de 2016, do titular da consellería competente en materia de función pública, apróbanse os modelos oficiais de declaracións que deben formular os altos cargos incluídos no ámbito de aplicación da Lei 1/2016, do 18 de xaneiro, de transparencia e bo goberno (DOG núm. 44, do 4 de marzo).

Segundo o Decreto 85/2023, do 22 de xuño, Covadonga Toca Carús cesou no cargo de secretaria xeral de Apoio ao Emprego, Traballo Autónomo e Economía Social (DOG núm. 119, do 23 de xuño). En virtude do Acordo do Consello de Dirección do Igape do 22 de xuño, foi nomeada para o cargo de directora xeral do Instituto Galego de Promoción Económica (DOG núm. 239, do 29 de xuño) e presentou o anexo IV, «Contido da declaración de bens patrimoniais para a súa publicación no Diario Oficial de Galicia», no Rexistro de Bens Patrimoniais de Altos Cargos.

Procede, en consecuencia, dar publicidade do contido do anexo presentado para tal efecto, comprensivo da situación patrimonial que declara no momento do seu nomeamento, e que se publica como anexo a este anuncio.

Tal e como consta no referido modelo anexo IV:

1. Non se inclúen os seguros de vida.

2. No suposto de bens indivisos, indícase o valor que corresponde segundo a porcentaxe de participación da declarante no ben ou dereito patrimonial.

Santiago de Compostela, 6 de xuño de 2024

Nuria Aguilar Vázquez
Directora xeral de Emprego Público
e Administración de Persoal

ANEXO

Titular do cargo: Covadonga Toca Carús.

Cargo público orixe da declaración: directora xeral do Instituto Galego de Promoción Económica.

Motivo: cesamento e toma de posesión.

I. Activo:

1. Bens inmobles (segundo o valor catastral): 49.265,41 €.

2. Valor total doutros bens: 16.162,83 €.

3. Total: 65.428,24 €.

II. Pasivo (créditos, préstamos, débedas, etc.): 15.060,83 €.