Mediante a Resolución do 27 de maio de 2024, da Dirección Xeral de Pesca, Acuicultura e Innovación Tecnolóxica, pola que se recoñece á organización de Produtores Pesqueiros de Noia-OPPNOIA como organización de produtores pesqueiros de ámbito da Comunidade Autónoma de Galicia, para o sector da pesca.
En virtude do disposto no artigo 8 do Real decreto 277/2016, do 24 de xuño, modificado polo Real decreto 664/2023, polo que se regulan as organizacións profesionais no sector dos produtos da pesca e da acuicultura, a Organización de Produtores Pesqueiros de Noia-OPPNOIA queda inscrita no Rexistro Xeral de Organizacións de Produtores Pesqueiros e Asociacións de Organizacións de Produtores Pesqueiros do Ministerio de Agricultura, Pesca e Alimentación, co código e número seguinte: OPP-95.
O que se fai público para xeral coñecemento.
Santiago de Compostela, 12 de xuño de 2024
Antonio Basanta Fernández
Director xeral de Pesca, Acuicultura e Innovación Tecnolóxica