En desenvolvemento da autorización contida na disposición adicional cuarta da Lei 7/2011, do 27 de outubro, do turismo de Galicia, aprobouse o Decreto 196/2012, do 27 de setembro, polo que se crea a Axencia de Turismo de Galicia e se aproban os seus estatutos (DOG núm. 193, do 9 de outubro). A citada axencia pública autonómica ten como obxectivo impulsar, coordinar e xestionar a política autonómica en materia de turismo e, en especial, a promoción e a ordenación do turismo dentro da Comunidade e a conservación e promoción dos Camiños de Santiago.
O Consello Reitor é o órgano colexiado de goberno da Axencia de Turismo de Galicia. Son vogais do Consello Reitor da Axencia de Turismo de Galicia un/unha representante de cada unha das consellerías da Xunta de Galicia designados/as pola persoa titular da consellería de entre os/as titulares dos seus órganos superiores ou de dirección.
O 14 de abril de 2024 publicouse no Diario Oficial de Galicia o Decreto 42/2024, do 14 de abril, polo que se establece a estrutura orgánica da Xunta de Galicia. Esa estrutura desenvólvese mediante o Decreto 49/2024, do 22 de abril, polo que se fixa a estrutura orgánica das distintas consellerías da Xunta de Galicia, e o 27 de maio de 2024 publicáronse no Diario Oficial de Galicia os distintos decretos de estrutura orgánica das consellerías que teñen presenza no Consello Reitor. Como consecuencia destes cambios, é preciso publicar a nova composición do Consello Reitor.
En virtude do anterior, unha vez feitas as correspondentes propostas por cada consellería, cómpre facer o nomeamento de vogais do Consello Reitor da Axencia de Turismo de Galicia que, para xeral coñecemento, se publicará no Diario Oficial de Galicia.
O nomeamento destes/as vogais e o dos/as seus/súas suplentes corresponde á persoa titular da Consellería de Presidencia, Xustiza e Deportes, de conformidade co disposto no artigo 16 dos estatutos da Axencia de Turismo de Galicia, aprobados polo Decreto 196/2012, do 27 de setembro.
Polo exposto, e feitas as correspondentes propostas, en virtude das atribucións que me confire a Lei 1/1983, do 22 de febreiro, de normas reguladoras da Xunta e da súa Presidencia,
DISPOÑO:
Primeiro. Nomear vogais do Consello Reitor da Axencia de Turismo de Galicia, deixando sen efecto os nomeamentos anteriores, as seguintes persoas:
1. En representación da Consellería de Presidencia, Xustiza e Deportes:
– Vogal titular: Francisco Javier Abad Pardo, secretario xeral técnico.
– Vogal suplente: Vanessa Cal Ríos, vicesecretaria xeral.
2. En representación da Consellería de Medio Ambiente e Cambio Climático:
– Vogal titular: María Sol Díaz Mouteira, directora xeral de Patrimonio Natural.
– Vogal suplente: María Carmen Bouso Montero, secretaria xeral técnica.
3. En representación da Consellería de Educación, Ciencia, Universidades e Formación Profesional:
– Vogal titular: Manuel Vila López, secretario xeral técnico.
– Vogal suplente: Elena Barca Ramos, vicesecretaria xeral.
4. En representación da Consellería de Política Social e Igualdade:
– Vogal titular: María Quintiana Pérez, directora xeral de Promoción da Igualdade.
– Vogal suplente: Jacobo José Rey Sastre, director xeral de Familia, Infancia e Dinamización Demográfica.
5. En representación da Consellería de Economía e Industria:
– Vogal titular: José Ramón Pardo Cabarcos, secretario xeral técnico.
– Vogal suplente: Mª Adelaida Couto Piñón, vicesecretaria xeral.
6. En representación da Consellería de Facenda e Administración Pública:
– Vogal titular: José María Barreiro Díaz, director xeral de Simplificación Administrativa e do Patrimonio.
– Vogal suplente: Manuel Vidal Martín, subdirector xeral de Xestión Económico-Patrimonial das Entidades Instrumentais do Sector Público Autonómico.
7. En representación da Consellería de Vivenda e Planificación de Infraestruturas:
– Vogal titular: Yago Borrajo Sánchez, secretario xeral técnico.
– Vogal suplente: Mª Ángeles Domínguez Franjo, secretaria xeral do Instituto Galego de Vivenda e Solo.
8. En representación da Consellería de Sanidade:
– Vogal titular: Natalia Lobato Mosquera, secretaria xeral técnica.
– Vogal suplente: Inés Mato Naveira, subdirectora xeral de Saúde Ambiental e Seguridade Alimentaria.
9. En representación da Consellería de Cultura, Lingua e Xuventude:
– Vogal titular: Elvira Mª Casal García, secretaria xeral técnica.
– Vogal suplente: Mª Begoña Mosteiro Blanco, vicesecretaria xeral.
10. En representación da Consellería de Emprego, Comercio e Emigración:
– Vogal titular: Joaquín Macho Canales, secretario xeral técnico.
– Vogal suplente: María Sonia Romero Doniz, vicesecretaria xeral.
11. En representación da Consellería do Medio Rural:
– Vogal titular: Martín Alemparte Vidal, director da Axencia Galega da Calidade Alimentaria.
– Vogal suplente: Mª Paz Rodríguez Rivera, directora xeral de Desenvolvemento Rural e da Axencia Galega de Desenvolvemento Rural.
12. En representación da Consellería do Mar:
– Vogal titular: Marta Villaverde Acuña, directora xeral de Desenvolvemento Pesqueiro.
– Vogal suplente: Montserrat Castro Vázquez, subdirectora xeral de Desenvolvemento Pesqueiro.
Segundo. Esta orde producirá efectos desde o día da súa publicación no Diario Oficial de Galicia.
Santiago de Compostela, 20 de xuño de 2024
Diego Calvo Pouso
Conselleiro de Presidencia, Xustiza e Deportes