En cumprimento do previsto no artigo 109 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:
Solicitante: Comunidade de Augas dos Abruñaredos.
Expediente: DH.A15.100356.
Volume total anual: 1.400 m3/ano.
Caudal máximo instantáneo: 0,05 l/s.
Destino: rega.
Orixe: manancial en Bruñadeiros.
Lugar: O Empalme.
Parroquia: Trasmonte.
Concello: Oroso.
Descrición do aproveitamento:
Cáptase auga dun manancial na parcela de referencia 15061A501002300000MT mediante unha arqueta duns 1,25 m de diámetro e 1,80 m de fondo, á cal accede unha gabia drenante duns 25 a 30 de longo e 1,50 de fondo por 1,00 m de ancho, e da cal parten tubaxes de 25 a 32 mm de diámetro, ata as parcelas de uso, 480, 486, 487, 491 e 534 do polígono 501.
O proxecto pode consultarse na sección «Participación pública» do portal da internet de Augas de Galicia (https://augasdegalicia.xunta.gal), e nas oficinas deste servizo territorial, situadas na rúa Tomiño, 16, baixo (15704) de Santiago de Compostela (A Coruña); para facilitar esta consulta, poderá solicitar cita previa no teléfono 981 54 49 27.
Os interesados poderán presentar alegacións durante o prazo de vinte días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 24 de maio de 2024
Jesús Antonio Manrique Merino
Xefe do Servizo Territorial da Zona Hidrográfica Galicia Centro