A instalación denominada ampliación de potencia CTI Portela e substitución de apoio foi declarada de utilidade pública mediante a Resolución do 12 de febreiro de 2024, da Xefatura Territorial de Pontevedra, o que leva implícita a urxente ocupación dos bens e dereitos afectados, tendo a condición de beneficiaria a empresa UFD Distribución Electricidad, S.A.
Segundo o disposto no artigo 52 da Lei de expropiación forzosa e no artigo 56.1 da Lei 24/2013, do 26 de decembro, do sector eléctrico, comunícase que o día 10 de setembro de 2024, a partir das 12.00 horas, terá lugar sobre o terreo o levantamento das actas previas á ocupación dos bens e dereitos contidos na relación de predios que se expón xunto con esta resolución e no taboleiro de edictos do Concello das Neves.
Os interesados recibirán unha notificación individual coa debida antelación legal, na cal se lles comunicarán a data e a hora en que se deberán presentar nos seus predios, e infórmase de que poderán ir acompañados por un perito ou un notario, pola súa conta, se así o consideran conveniente.
Cando as persoas propietarias ou titulares de dereitos sobre os predios afectados sexan descoñecidas ou se ignore o lugar de notificación, dirixiranse ao Ministerio Fiscal as dilixencias que se produzan destas, de conformidade co artigo 5 da Lei de expropiación forzosa. Neste caso, igualmente, de acordo co artigo 44 da Lei 39/2015, do 1 de outubro, do procedemento administrativo común das administracións públicas, publicarase un anuncio no taboleiro de edictos único (TEU) do Boletín Oficial del Estado.
Vigo, 31 de maio de 2024
Beatriz López del Olmo
Directora territorial de Pontevedra
ANEXO
Ampliación de potencia CTI Portela e substitución de apoio
Nº |
Referencia catastral |
Lugar |
Titular |
Nº apoio |
m2 solo |
1 |
36034A123001610000WW |
Veiga da Fonte |
Descoñecido |
1 |
0,94 |
2 |
36034A123001470000WX |
Veiga da Fonte |
Descoñecido |
1 |
0,50 |