De conformidade co establecido na disposición adicional cuarta da Lei 1/2005, do 9 de marzo, pola que se regula o réxime de comercio de dereitos de emisión de gases de efecto invernadoiro e no artigo 5 do Real decreto 203/2024, do 27 de febreiro, polo que se desenvolven aspectos relativos á asignación gratuíta de dereitos de emisión para os anos 2026-2030 e outros aspectos relacionados co réxime de exclusión de instalacións a partir de 2026, sométese a información pública a documentación correspondente ás solicitudes de exclusión do réxime de comercio de dereitos de emisión de gases de efecto invernadoiro das instalacións de pequeno tamaño para o período 2026-2030 que se relacionan no anexo deste anuncio.
A documentación poderá consultarse:
– No Portal de transparencia da Xunta de Galicia (https://transparencia.xunta.gal/procedementos-de-informacion-publica).
– No portal web da Consellería de Medio Ambiente e Cambio Climático (https://cmatv.xunta.gal >> Medio ambiente e sostibilidade >> Clima e meteoroloxía >> Máis >> Documentos en información pública).
Durante o prazo de tres (3) meses, contados a partir do día seguinte á publicación deste anuncio no Diario Oficial de Galicia (DOG), poderanse formular as alegacións, suxestións e/ou observacións que consideren oportunas dirixidas á Dirección Xeral de Enerxías Renovables e Cambio Climático.
Santiago de Compostela, 6 de xuño de 2024
Paula Uría Traba
Directora xeral de Enerxías Renovables e Cambio Climático
ANEXO
Listaxe de solicitudes de exclusión do réxime de comercio de dereitos de emisión de gases de efecto invernadoiro de instalacións de pequeno tamaño para o período 2026-2030 recibidas:
|
Nome da instalación |
Localidade |
|
Papelera de Brandía, S.A. |
Santiago de Compostela |
|
Cerámicas del Miño Carmen Ubeira y Cía, S.L. |
Salvaterra de Miño |
|
Refractarios Campo, S.L. |
Sanxenxo |
|
Epifanio Campo, S.L., Fábrica de Mesía |
Mesía |
|
Epifanio Campo, S.L., A Laracha |
A Laracha |
|
Cerámica La Manchica, S.L. |
A Merca |
|
Sarval Bio-Industries, S.L.U. |
Arteixo |
|
Industrias Lácteas de Nadela, S.L.U. |
Lugo |
|
Tejas Verea, S.A.U. |
Mesía |
|
Planta de Producción de Biodiésel de Masol Iberia Biofuel, S.L.U. |
Ferrol |