1. Entidade adxudicadora:
Consorcio Casco Vello de Vigo.
2. Obxecto do concurso:
Descrición: o concurso a que se refire o presente anuncio ten por obxecto o alugueiro do local comercial que se indica a seguir:
• Local comercial situado no edificio sito na nivel 0 da rúa Real, nº 13, Vigo, dunha superficie útil de 46,40 m2, co uso exclusivo do patio situado no seu fondo, ao que ten acceso cunha superficie de ..... m2.
• Cota: correspóndelle unha cota de participación en gastos do dezaseis por cento (16 %).
• Referencia catastral: 2665212NG2726N1001WY.
3. Tramitación e procedemento:
O local adxudicarase en alugueiro, mediante concurso con base nos criterios establecidos na cláusula 9.3 do prego de cláusulas administrativa particulares (acordo do 30 de maio de 2024).
4. Prezo e garantías:
Os prezos e garantías están determinados no anexo II e na cláusula 15.7, respectivamente, do prego de cláusulas administrativas particulares e, se é o caso, na cláusula 8.1.4.a).
5. Obtención de documentación e información:
Páxina web: www.consorciocascovellovigo.org; enderezo: Consorcio Casco Vello de Vigo, rúa Ferrería, 45, baixo, 36202 Vigo. Teléfono 986 44 26 38. E-mail: info@consorciocascovellovigo.org
Poderase obter documentación e información ata o día de finalización do prazo de presentación de ofertas.
6. Requisitos:
Están determinados nas cláusulas 4 e 8.1.4 do prego de cláusulas administrativas particulares.
7. Presentación de ofertas:
As ofertas, xunto coa documentación preceptiva, presentaranse a través da plataforma de licitación electrónica Silex, da Consellería de Facenda e Administración Pública (https://silex.conselleriadefacenda.es/), dentro do prazo de 30 días naturais, contados a partir do seguinte ao da publicación deste anuncio no Silex.
8. Apertura das proposicións:
Entidade, lugar e enderezo: Consorcio Casco Vello de Vigo, Ferrería, 45, baixo.
Data: a apertura das ofertas terá lugar segundo se establece na cláusula 9.2 do prego de cláusulas administrativas que rexen no concurso.
9. Composición da mesa de contratación:
Segundo quedou detallado no anexo VII do prego de cláusulas administrativas particulares que rexen no concurso.
Vigo, 3 de xuño de 2024
Alfonso Ramos Covelo
Xerente do Consorcio Casco Vello de Vigo