En cumprimento do previsto no artigo 109 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:
Solicitante: CC.UU. Augas Mulleres de Soutelo.
Expediente: DH.A15.69586.
Volume total anual: 788,4 m3/ano.
Caudal máximo instantáneo: 0,47 l/s.
Destino: doméstico.
Orixe: x= 523502, y= 4735543 (fuso29 ETRS89).
Lugar: Soutelo.
Parroquia: Herbogo (San Pedro).
Concello: Rois.
Descrición do aproveitamento:
O aproveitamento consiste na captación de augas dun manancial, situado na parcela 15075A086002540000XQ, mediante un pozo de aros de formigón prefabricado de 3 metros de profundidade e 1 metro de diámetro. Desde a captación, a auga lévase en tubo de polietileno de 63 mm e 69 m de lonxitude ata a caseta de distribución, situada na parcela 15075A086005930000XE, que contén o distribuidor e catro depósitos de poliéster e fibra de vidro, de 2.000 litros cada un. De cada depósito sae un tubo soterrado, de polietileno PE80 e 40 mm de diámetro, que atravesan parcelas particulares e camiños públicos durante 137 ml nun percorrido común ata o camiño de acceso ao lugar en que a canalización se bifurca en dous tramos. Dous tubos diríxense destino norte cara ás vivendas 1 e 2, e outros dous tubos, destino sur cara ás vivendas 3 e 4. O ramal norte discorrerá 112 bifurcándose definitivamente e percorrendo individualmente unha distancia de 47 ml ata as vivendas 1 e 2 nas parcelas 15075A086005880000XI e 15075B509002040000GK. O ramal sur continuará 93 ml ata escasos 5 e 3 metros das vivendas 3 e 4, respectivamente, nas parcelas 15075B509002070000GX e 15075A086002010000XR.
O proxecto pode consultarse na sección «Participación pública» do portal da internet de Augas de Galicia (https://augasdegalicia.xunta.gal) e nas oficinas deste servizo territorial, situadas na rúa Tomiño, 16, baixo, 15704 Santiago de Compostela (A Coruña); para facilitar esta consulta, poderá solicitar cita previa no teléfono 981 54 39 60.
Os interesados poderán presentar alegacións durante o prazo de vinte días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 6 de maio de 2024
Jesús Antonio Manrique Merino
Xefe do Servizo Territorial da Zona Hidrográfica Galicia Centro