En cumprimento do establecido no artigo 48 da Lei 21/2013, do 9 de decembro, de avaliación ambiental, modificada pola Lei 9/2018, do 5 de decembro (BOE do 6 de decembro), faise público que, de acordo co establecido no artigo 60.1.b) da Lei 7/2012, do 28 de xuño, de montes de Galicia, a Dirección Territorial da Consellería do Medio Rural de Lugo autorizou, mediante a Resolución do 29 de abril de 2024, o cambio de actividade de forestal a agrícola da parcela 578 do polígono 73 e parcela 270 do polígono 72 no concello de Palas de Rei (Lugo).

O proxecto foi sometido previamente a avaliación ambiental simplificada e o informe de impacto ambiental foi formulado con data do 11 de abril de 2024.

Lugo, 27 de maio de 2024

María Olga Iglesias Fontal
Directora territorial de Lugo