De conformidade co disposto no artigo 13.3.ñ) do Decreto 118/2016, do 4 de agosto, polo que se crea o Instituto Galego do Consumo e da Competencia e se aproban os seus estatutos (DOG núm. 160, do 25 de agosto), correspóndelle á Dirección do Instituto Galego do Consumo e da Competencia presidir a Xunta Arbitral de Consumo de Galicia.

Segundo o artigo 13.2 do citado Decreto 118/2016, será titular da Dirección a persoa que represente a titularidade da dirección xeral con competencias en materia de comercio.

Mediante o Decreto 92/2024, do 22 de abril (DOG núm. 81, do 24 de abril) noméase director xeral de Comercio e Consumo a Gabriel Alén Castro.

Tendo en conta o anterior, e para cumprir o establecido no artigo 7.1 do Real decreto 231/2008, do 15 de febreiro, polo que se regula o Sistema arbitral de consumo (BOE núm. 48, do 25 de febreiro) dáse publicidade do nomeamento de Gabriel Alén Castro como presidente da Xunta Arbitral de Consumo de Galicia.

Santiago de Compostela, 22 de maio de 2024

José González Vázquez
Conselleiro de Emprego, Comercio e Emigración