Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar...», mediante o presente anuncio infórmase da presentación das follas de valoración da entidade beneficiaria, no procedemento expropiatorio sobre os bens e dereitos afectados pola instalación eléctrica denominada LAT 220 kV DC Lousame-Tivo, no concello de Teo (expediente IN407A 2010/268-1), correspondentes aos predios e ás titularidades que se sinalan no cadro anexo que máis abaixo se detalla.

O texto íntegro das referidas follas de valoración atópase a dispor das persoas interesadas na sede da Dirección Territorial da Consellería de Economía e Industria da Coruña, situada no Edificio Administrativo de Monelos, na rúa Vicente Ferrer, 2-2º, 15008 A Coruña, na Sección de Expropiacións (teléfonos de contacto 981 18 23 78 e 981 18 49 11), das 9.00 ás 14.00 horas, de luns a venres. As ditas persoas interesadas disporán dun prazo de dez (10) días, a partir da publicación deste anuncio no Boletín Oficial del Estado, para solicitar a remisión das correspondentes follas de valoración ao enderezo que sinalen.

Transcorrido o prazo de dez días indicado no parágrafo anterior sen efectuarse a comparecencia, a notificación entenderase producida desde o día seguinte ao vencemento do prazo sinalado para comparecer.

A Coruña, 13 de maio de 2024

Isidoro Martínez Arca
Director territorial da Coruña

ANEXO

Expediente: IN407A 2010/268-1.

Entidade beneficiaria: Red Eléctrica de España, S.A.U.

Denominación da instalación: LAT 220 kV Lousame-Tivo.

Concello: Teo.

Predio	Lugar	Pol.	Parc.	Titularidade proposta
1	Estivada de Paradela	105	363	Descoñecida
4	Granxiña	105	753	Descoñecida
26	Tenza do Monte	105	1191	Descoñecida
29	Tenza do Monte	105	780	Ramón López Mariño
30	Tenza do Monte	105	781	Serafín Alfonzo Gómez
31	Tenza do Monte	105	783	Ventura Seage Noya
32	Tenza do Monte	105	784	Eulogia Seage Noya
33	Tenza do Monte	105	785	Ramona Seage Noya
36	Tenza do Monte	105	1193	Herdeiros de Rosa Mariño Ríos
38	Agro de Paradela	105	728	Ramón López mariño
40	Agro de Paradela	105	727	Teresa Noya
41	Tenza do Monte	105	789	Andrés Romero castro
43	Tenza do Monte	105	791	Herdeiros de José Seage Prada e outros
49	Tenza dos Campiños	105	658	Manuel Goldar Tourís
63	Agro de Miguel	105	687	Camilo Seage Mariño e Concepción Crespo Fernández
65	Agro de Miguel	105	688	Descoñecida
66	Agro de Miguel	105	689	Descoñecida
78	Tenza do Monte	105	800	Herdeiros de Javier Gómez Rodríguez
84	Agro do Perito	105	720	José Ríos Naya
101	Fontiña da Devesa	105	707	María Puente Núñez