De conformidade co disposto no artigo 48 da Lei 21/2013, do 9 de decembro, de avaliación ambiental (BOE núm. 296, do 11 de decembro), faise público que mediante a Resolución do 29 de abril de 2024, da Consellería do Mar, se lle outorgou a Hq Seawed, S.L. unha concesión temporal de carácter experimental para o cultivo de kombu doce (Saccharina latissima), nas cuadrículas 61 e 62 do polígono Cangas D e 30 e 31 do polígono Redondela B, na ría de Vigo (expediente PE502D-2020-4).
O informe de impacto ambiental do proxecto fíxose público mediante o Anuncio do 7 de xullo de 2021, da Dirección Xeral de Calidade Ambiental, Sostibilidade e Cambio Climático, publicado no Diario Oficial de Galicia núm. 138, do 21 de xullo.
Santiago de Compostela, 30 de abril de 2024
Antonio Basanta Fernández
Director xeral de Pesca, Acuicultura e Innovación Tecnolóxica