José Carlos Filgueira Solla, veciño do lugar de Almofrei, parroquia de Almofrei, concello Cerdedo-Cotobade (Pontevedra), mediante este anuncio convoco á asemblea xeral a todos os usuarios de augas, co fin de constituírse en comunidade de usuarios segundo a lexislación de augas vixente e solicitar a correspondente concesión administrativa, que terá lugar o 23 de maio de 2024, ás 20.00 horas en primeira convocatoria e ás 20.30 horas en segunda convocatoria, na antiga Casa da Escola de Almofrei, coa seguinte orde do día:

1. Formar unha relación nominal de usuarios (nome, DNI, enderezo da vivenda, referencia catastral, sinatura orixinal), constituírse en comunidade de usuarios e solicitar a concesión administrativa, así como elixir o nome e domicilio da comunidade.

2. Aprobar as bases a que, dentro da lexislación vixente, terán que axustarse os proxectos de ordenanzas e regulamentos, polos cales se rexerá a comunidade.

3. Designación dos membros que integrarán a xunta de goberno, encargada da dirección da comunidade e da redacción das ordenanzas e regulamentos.

4. Suxestións e preguntas.

Almofrei, Cerdedo-Cotobade, 11 de abril de 2024

José Carlos Filgueira Solla
Presidente en funcións da Comunidade de Augas Os Tornos