De conformidade coa proposta elevada polo tribunal cualificador das probas selectivas convocadas pola Resolución do 3 de novembro de 2022 (Diario Oficial de Galicia do 18 de novembro) para cubrir con persoal laboral fixo tres prazas da categoría profesional de técnico de investigación, área bioloxía-saúde, grupo III, unha pola quenda de promoción interna e dúas pola quenda de acceso libre, unha vez comprobado que as persoas seleccionadas reúnen os requisitos exixidos na base 2 da convocatoria e de conformidade co disposto no artigo 85.j) dos estatutos da USC,
RESOLVO:
Primeiro. Aprobar a proposta feita polo tribunal cualificador e contratar como persoal laboral fixo na categoría profesional especialista de técnico de investigación, área bioloxía-saúde, as persoas que superaron o proceso selectivo pola quenda de acceso libre e que se relacionan no anexo desta resolución.
Segundo. As persoas seleccionadas formalizarán o seu contrato ante o Servizo de Xestión de Persoal, no prazo dun mes, contado a partir do día seguinte ao da publicación desta resolución no Diario Oficial de Galicia.
No caso de que a persoa aspirante estea en situación de incapacidade temporal, o prazo para a sinatura do contrato comezará a partir do día seguinte hábil á data da alta médica, que deberá acreditar. Quedan exceptuadas do disposto neste parágrafo as situacións derivadas da maternidade ou paternidade, que poderán tomar posesión durante esta situación.
Contra a presente resolución, que esgota a vía administrativa, poderase interpoñer recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.
Non obstante, as persoas interesadas poderán interpoñer recurso potestativo de reposición no prazo de un mes perante o órgano que a ditou. Neste caso non se poderá interpoñer o recurso contencioso-administrativo antedito mentres non se dite resolución expresa ou presunta do recurso administrativo de reposición, ao abeiro do artigo 123 e seguintes da Lei 39/2015, do 1 de outubro, do procedemento administrativo común das administracións públicas.
Santiago de Compostela, 19 de abril de 2024
Antonio López Díaz
Reitor de Santiago de Compostela
ANEXO
Quenda de acceso libre
Núm. orde |
DNI |
Apelidos e nome |
Código |
Denominación e unidade de adscrición do posto |
Quenda |
Campus |
1 |
***3766** |
Romero Chouza, David |
PL001321 |
Técnico de investigación, área de bioloxía-saúde. Facultade de Veterinaria |
Mañá |
Lugo |
2 |
***2936** |
Prado Vázquez, Alba Noelia |
PL000404 |
Técnico de investigación, área de bioloxía-saúde. Departamento de Produción Vexetal e Proxectos de Enxeñaría |
Mañá |
Lugo |