Para os efectos previstos no artigo 53 da Lei 7/2012, do 28 de xuño, de montes de Galicia, dáse publicidade ao acordo do Xurado Provincial de Clasificación de Montes Veciñais en Man Común da Coruña que, na sesión que tivo lugar o día 11 de marzo de 2024, acordou aprobar os seguintes deslindamentos entre montes veciñais e realizar as oportunas modificacións nos expedientes correspondentes:
1. Monte veciñal en man común de Can de Carracedo e Chan de Salgueiro, pertencente á Comunidade de Montes Veciñais en Man Común de Santo Adrao de Veiga, no concello de Ortigueira, e MVMC Aguieira, Rañal, Ameneiro e Miranda, pertencente á CMVMC de Santiago de Landoi, no concello de Cariño.
O 22.7.2019 tivo entrada no Rexistro Xeral da Xunta de Galicia un escrito presentado pola CMVMC de Santo Adrao de Veiga, dirixido ao Xurado de Montes, en que se solicitaba a aprobación do deslindamento entre a CMVMC de Santo Adrao de Veiga e a CMVMC de Santiago de Landoi. Xunto coa solicitude achegaron a seguinte documentación: acta do deslindamento, planos topográficos, acta de conciliación 2/2019, levantada no Xulgado de Paz de Cariño, e certificacións de aprobación por parte das asembleas de cada unha das comunidades implicadas.
O expediente de deslindamento foi tramitado e informado polo Servizo de Montes, o 21.2.2024, de modo favorable.
Examinada a documentación presentada, o Xurado, por unanimidade, acorda aprobar a avinza realizada entre a CMVMC de Santo Adrao de Veiga e a CMVMC de Santiago de Landoi, respecto da estrema común nos termos indicados e segundo os planos topográficos achegados con el, e validados mediante o informe técnico do Servizo de Montes, conformada polos seguintes vértices e as súas coordenadas UTM, referidos ao sistema ETRS89/29N:
|
ID |
X |
Y |
|
1 |
586.327,78 |
4.838.047,29 |
|
2 |
586.441,26 |
4.838.088,13 |
|
3 |
586.967,24 |
4.838.225,17 |
|
4 |
587.037,20 |
4.838.211,59 |
|
5 |
587.071,08 |
4.838.202,07 |
|
6 |
587.081,87 |
4.838.201,26 |
|
7 |
587.121,54 |
4.838.178,83 |
A Coruña, 10 de abril de 2024
María Nieves Mancebo Santamaría
Presidenta do Xurado Provincial de Clasificación
de Montes Veciñais en Man Común da Coruña