O Pleno da Corporación, na sesión extraordinaria do día 5 de abril de 2024 adoptou o seguinte acordo:

Primeiro. Aprobar definitivamente o seguinte proxecto de estudo de detalle:

Tipo de instrumento:	estudo de detalle
Situación:	A Farixa
Instrumento que desenvolve:	PXOM
Obxecto:	reaxustar as aliñacións nun viario do núcleo urbano de San Cibrao das Viñas que une a rúa da Farixa co Camiño Laxedo.
Equipo redactor:	IDOM

Segundo. Publicar o acordo de aprobación definitiva no Diario Oficial de Galicia e o texto dos documentos que o integran, así como o índice de planos do estudo de detalle no Boletín Oficial da provincia.

Terceiro. Notificarlles o presente acordo aos propietarios e aos demais interesados directamente afectados polo estudo de detalle.

Cuarto. Comunicarlle á consellería competente en materia de urbanismo a aprobación do estudo de detalle, á vez que se lle da traslado dun exemplar en soporte dixital, debidamente dilixenciado, co fin de ser inscrito no Rexistro de Planeamento Urbanístico de Galicia.

Quinto. Facultar a alcaldesa presidenta para subscribir e asinar toda clase de documentos e, en xeral, para todo o relacionado con este asunto.

Contra o presente acordo interporase recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da publicación do presente anuncio, de conformidade co artigo 46 da Lei 29/1998, do 13 de xullo, da xurisdición contencioso-administrativa.

San Cibrao das Viñas, 16 de abril de 2024

Marta Nóvoa Iglesias
Alcaldesa