De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, logo de intentar a notificación persoal dúas veces, emprázase a persoa interesada para ser notificada por comparecencia.

Polo que, por medio deste anuncio, o acto administrativo, ditado en relación co procedemento sancionador, en materia de pesca fluvial, se lle notifica á persoa indicada no anexo.

Para o coñecemento íntegro de tal acto e a constancia deste, a citada persoa interesada, poderá comparecer no prazo e no lugar que se sinalan a seguir:

No prazo de dez (10) días, que se contarán desde o día seguinte ao da publicación deste anuncio no Boletín Oficial del Estado (BOE).

Na sede deste servizo provincial, situada na rúa Vicente Ferrer, 2, 8º andar, ala sur, A Coruña, das 9.00 ás 14.00 horas, de luns a venres.

Despois de transcorrer o dito prazo sen que se efectúe a comparecencia, a notificación entenderase producida desde o día seguinte ao da publicación deste anuncio no Boletín Oficial del Estado.

A eficacia deste anuncio queda supeditada á súa publicación no taboleiro de edictos único (TEU) do BOE.

A Coruña, 5 de abril de 2024

Cristina Carrión Rodríguez
Xefa territorial da Coruña

ANEXO

Número de expediente	Persoa interesada DNI/NIF/NIE	Acto de notificación
PES-CO-0020/2023-V	49200770K	Cambio de instrutora