Co obxecto de estender o programa de plurilingüismo a novos centros na educación primaria e na educación secundaria obrigatoria, para o curso 2024/25, a Dirección Xeral de Ordenación e Innovación Educativa
RESOLVE:
Primeiro. Anunciar que na páxina web da Consellería de Cultura, Educación, Formación Profesional e Universidades (www.edu.xunta.gal) estará dispoñible a regulación e convocatoria de incorporación de centros para participar no programa de ensinanzas plurilingües na educación primaria e na educación secundaria obrigatoria para o curso 2024/25.
Segundo. Que o prazo de presentación de solicitudes será ata o 30 de abril de 2024 e a partir do día seguinte ao da publicación deste anuncio no Diario Oficial de Galicia.
Terceiro. Que os centros que desexen impartir o programa de plurilingüismo deberán facer a correspondente solicitude en liña completando o formulario electrónico dispoñible na aplicación a que se accede na ligazón http://www.edu.xunta.es/programaseducativos
Santiago de Compostela, 1 de abril de 2024
Judith Fernández Novoa
Directora xeral de Ordenación e Innovación Educativa