En cumprimento do previsto no artigo 109 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de concesión de augas:

Solicitante: Concello de Coristanco.

Expediente: DH.A15.85231.

Volume total anual: 4.067,40 m³/ano.

Caudal máximo instantáneo: 4,16 l/s.

Orixe: manancial.

Lugar: Monte Alto do Outeiro.

Parroquia: Santa Baia de Castro (Santa Baia).

Concello: Coristanco.

Destino: abastecemento de poboación.

Descrición do aproveitamento:

A captación sitúase na parcela nº 599 do polígono nº 27, no Monte Alto do Torreiro, nun manancial protexido por muros de formigón armado, e condúcese as augas por tubos de polietileno que, tras atravesar a autovía Carballo-Berdoias e discorrer por vías públicas, chegan ata os depósitos de bombeo, que elevarán a auga ata o depósito nº 1 elevado sobre unha plataforma sobre o terreo e, desde este, distribúese a auga ata dous depósitos de polietileno de 10 m³ e, desde estes, aos domicilios do lugar de Outeiro, parroquia de Agualada.

O proxecto pode consultarse na sección participación pública do portal de internet de Augas de Galicia (https://augasdegalicia.xunta.gal), e nas oficinas deste servizo territorial situadas na rúa Vicente Ferrer, 2, 9º andar, 15008 A Coruña, solicitando cita previa no teléfono 981 18 25 30.

Os interesados poderán presentar alegacións durante o prazo de vinte días hábiles, contados a partir do seguinte á publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común.

A Coruña, 15 de febreiro de 2024

Néstor Rodríguez Arias
Xefe do Servizo Territorial da Zona Hidrográfica
de Galicia Norte