En sesión que tivo lugar o 11 de marzo de 2024, o tribunal nomeado pola Resolución do 5 de maio de 2023 (DOG núm. 92, do 15 de maio) para cualificar o proceso selectivo extraordinario de estabilización derivado da Lei 20/2021, do 28 de decembro, para o ingreso nas categorías de profesor/a de hixiene, dietética e nutrición (grupo I) e profesor/a do Departamento de Servizos (grupo II), de conformidade co disposto nas bases da convocatoria,
ACORDOU:
Aprobar a baremación provisional de méritos da fase de concurso da persoa aspirante que superou a fase de oposición, pola quenda de acceso libre e mediante o sistema de concurso-oposición, ao proceso selectivo extraordinario para o ingreso no grupo e categoría seguinte:
– Profesor/a do Departamento de Servizos (grupo II).
A baremación provisional de méritos, completa e parcial de acordo co establecido na epígrafe III.1.1 das bases da convocatoria (Experiencia profesional, formación e lingua galega), recollida no anexo, poderase consultar no taboleiro de anuncios do portal web corporativo https://www.turismo.gal/espazo-institucional
De conformidade co disposto na epígrafe III.5 das bases da convocatoria, as persoas aspirantes que o consideren oportuno poderán presentar unha reclamación ante o tribunal, dirixida á persoa titular do órgano convocante, no prazo de dez (10) días contados a partir do seguinte ao da publicación da citada baremación no Diario Oficial de Galicia.
Santiago de Compostela, 11 de marzo de 2024
Antonio Casas Calviño
Presidente do tribunal