Visto o texto da acta da Comisión Paritaria do Convenio colectivo de actores e actrices de teatro de Galicia, na cal se actualizan as táboas salariais para o ano 2024, que se subscribiu con data do 1 de febreiro de 2024, entre a representación da organización empresarial Escena Galega e Agadic e a representación legal dos traballadores e traballadoras das centrais sindicais UGT, CIG, CC.OO. e AAAG, e de conformidade co disposto no artigo 90, números 2 e 3, do Real decreto lexislativo 2/2015, do 23 de outubro, polo que se aproba o texto refundido da Lei do Estatuto dos traballadores, e no Real decreto 713/2010, do 28 de maio, sobre rexistro e depósito de convenios colectivos, acordos colectivos de traballo e plans de igualdade.
A Dirección Xeral de Relacións Laborais
RESOLVE:
Primeiro. Ordenar o seu rexistro e depósito no Rexistro de Convenios e Acordos Colectivos de Traballo da Comunidade Autónoma de Galicia (Regcon), creado mediante a Orde do 29 de outubro de 2010 (DOG núm. 222, do 18 de novembro).
Segundo. Dispoñer a súa publicación no Diario Oficial de Galicia.
Santiago de Compostela, 1 de marzo de 2024
Elena Mancha Montero de Espinosa
Directora xeral de Relacións Laborais
Acta da Comisión Paritaria do Convenio colectivo de actores
e actrices de teatro de Galicia
En Santiago de Compostela, ás 10.00 horas do día 1 de febreiro de 2024, reúnese telematicamente a Comisión Paritaria do Convenio colectivo de actores e actrices de teatro de Galicia.
Parte empresarial:
Santiago Cortegoso Calvar (Escena Galega).
Francisco Javier Núñez Alonso (Agadic).
Parte sindical:
Ramón Dopico López (UGT).
María Teresa Pérez Pardo (CC.OO.).
Adolfo Naya Fernández (CIG).
Antonio Salgado Rodríguez (AAAG).
O obxecto da presente xuntanza é a actualización das táboas salariais e da indemnización por quilometraxe por uso de vehículo particular nos desprazamentos do Convenio colectivo de actores e actrices de teatro de Galicia.
Logo do debate e análise da dita cuestión polas representacións integrantes desta comisión, procede reflectir en acta o seguinte:
Primeiro. Esta Comisión Paritaria acorda, por unanimidade, actualizar as táboas salariais do Convenio colectivo de actores e actrices de teatro de Galicia para o ano 2024, de conformidade co contido dos dous anexos que se achegan coa presente acta.
Segundo. Respecto á suba da indemnización por quilometraxe por uso de vehículo particular nos desprazamentos, o representante das compañías privadas da parte empresarial (Escena Galega) expresa a súa incapacidade de aceptar ou negociar a suba proposta sen acordo da asemblea da súa entidade. Emprázase esta comisión a unha nova xuntanza para tratar de novo a actualización desta cantidade.
Terceiro. O representante da compañía pública da parte empresarial (Agadic) expresa dúas eivas que atopa na aplicación do convenio:
• A axuda de custo establecida para a compañía pública é única, independentemente do lugar do desprazamento. Isto supón unha situación favorable para o traballador cando o desprazamento é dentro da Comunidade Autónoma de Galicia e desfavorable cando é fóra dela.
• Na substitución de traballadores/as en situación de baixa, dadas as particularidades do traballo artístico, a persoa substituta precisa dun traballo de estudo e preparación que non está incluído no tempo de contratación, polo que, no caso de reincorporación do traballador de baixa en pouco tempo, a persoa substituta non ve compensado o tempo de preparación. Propón establecer un tempo mínimo de contratación no caso de tales substitucións.
Esta comisión emprázase para estudar o encaixe de medidas correctoras destas situacións sen modificar o convenio vixente.
Cuarto. Esta comisión delega no persoal habilitado do Consello Galego de Relacións Laborais a realización dos trámites de depósito, rexistro e publicación desta acta perante a autoridade laboral competente.
E non tendo máis asuntos que tratar, levántase a reunión, ás 10.33 horas do día sinalado no encabezamento, e para o efecto esténdese esta acta, que asinan en proba de conformidade as persoas relacionadas, en nome de todas e cada unha das representacións asistentes.
|
Santiago Cortegoso Calvar (Escena Galega) |
Francisco Javier Núñez Alonso (Agadic) |
|
María Teresa Pérez Pardo (CC.OO.) |
Adolfo Naya Fernández (CIG) |
|
Ramón Dopico López (UGT) |
Antonio Salgado Rodríguez (AAAG) |
ANEXO I
Táboa salarial compañías privadas
|
Salario mensual |
Compañías grupo A (€) |
Compañías grupo B (€) |
|
Protagonista |
2.393,44 |
1.994,62 |
|
Principal |
2.111,85 |
1.745,50 |
|
Secundario/a |
1.736,42 |
1.620,82 |
|
Elenco |
1.547,38 |
1.371,46 |
|
Salario bolo |
Compañías grupos A e B (€) |
|
Protagonista |
219,25 |
|
Principal |
197,15 |
|
Secundario/a |
175,55 |
|
Elenco |
154,98 |
|
Retribución por gravación |
Compañías grupo A (€) |
Compañías grupo B (€) |
|
Protagonista |
503,88 |
478,83 |
|
Principal |
453,81 |
428,77 |
|
Secundario/a |
397,47 |
391,20 |
|
Elenco |
353,65 |
340,44 |
|
Axudas de custo Galicia |
56,10 € |
|
Prezo por quilómetro desprazamentos |
0,25* |
*Pendente de actualización.
Táboa salarial compañía institucional*
|
Retribucións |
|||
|
Categoría |
Salario mensual (€) |
||
|
Protagonista |
3.202,14 |
||
|
Principal |
2.408,18 |
||
|
Secundario/a |
1.802,94 |
||
|
Cesión de dereitos |
|||
|
Categoría |
Cesión |
Imaxe (5 %) |
Total |
|
Protagonista |
512,46 |
25,62 |
538,09 |
|
Principal |
448,27 |
22,41 |
470,68 |
*Tarifas establecidas pola Xunta de Galicia para o seu persoal en decembro de 2023, pendentes de revisión.