O Pleno da Corporación municipal, na súa sesión ordinaria do 30 de novembro de 2023 e no punto 3º da orde do día relativo ao expediente 461/2023. Aprobación de Plan de desenvolvemento. Aprobación inicial-Plan especial de reforma interior AR1 do ámbito da modificación puntual do PXOM para a reforma urbanística da zona de San Bartolomeu, adoptou o seguinte acordo:

«Primeiro. Aprobar inicialmente o Plan especial de reforma interior AR1 do ámbito da modificación puntual do PXOM para a reforma urbanística da zona de San Bartolomeu. Para tales efectos, cómpre sinalar que os documentos sometidos a aprobación inicial abranguerán todos os documentos integrantes do expediente tramitado, incluídos un resumo executivo, o estudo ambiental estratéxico e un resumo non técnico do estudo ambiental estratéxico (artigo 60.6 da LSG). O detalle de documentos que se aproban inicialmente é o seguinte:

– Documentación co el número de rexistro de entrada no Concello de Tui 2023-E-RE-354, do 3.2.2023.

Segundo. Someter os ditos documentos a información pública por período de dous (2) meses, con publicación de acordo no Diario Oficial de Galicia e nun dos xornais de maior difusión da provincia.

Terceiro. Suspender o outorgamento de licenzas de obras e actividade e de parcelación no ámbito da zona de San Bartolomeu, durante o prazo de dous (2) anos desde a adopción do acordo de aprobación inicial (para o suposto de que as novas determinacións supoñan a modificación da ordenación urbanística vixente); en todo caso, esta suspensión extinguirase coa aprobación definitiva da modificación puntual en proxecto.

Cuarto. Elevar esta documentación ao órgano competente en materia de urbanismo, o cal realizará as consultas previstas no documento de alcance do estudo ambiental estratéxico, dará audiencia aos municipios limítrofes e solicitará os informes sectoriais autonómicos preceptivos, que deberán ser emitidos no prazo de tres meses; transcorrido este, entenderanse emitidos con carácter favorable (artigo 60.7 da LSG)».

O expediente pódese consultar no Departamento de Urbanismo do Concello de Tui, en horario de atención ao público (das 9:00 ás 14:00 horas), ou ben no Portal de transparencia do Concello de Tui, no enderezo:

https://concellotui.sedelectronica.gal/transparency/7d2503d4-5ab4-4fd3-91d3-8460ae5c60b5/

Tui, 7 de febreiro de 2024

Enrique Cabaleiro González
Alcalde