De acordo co previsto na Lei 5/1992, do 10 de xuño, de creación do Instituto Galego de Promoción Económica, o Consello de Dirección do instituto, na súa xuntanza do 15 de xaneiro de 2024, acordou modificar a estrutura organizativa da entidade nos seguintes termos:
Modificar a denominación da «Unidade de Proxectos Empresariais» e da «Oficina de Proxectos Tractores e Atracción de Investimentos» que pasan a denominarse «Oficina Económica de Galicia» e «Subdirección de Asesoramento Empresarial e Apoio á Oficina Económica de Galicia», respectivamente.
Modificar a denominación do posto de «Responsable Oficina de Proxectos Tractores e Atracción de Investimentos» que pasa a denominarse «Subdirector/a de Asesoramento Empresarial e Apoio á Oficina Económica de Galicia».
Modificar a denominación do posto de «Xefe/a da Unidade de Proxectos Empresariais» que pasa a denominarse «Director/a da Oficina Económica de Galicia».
Santiago de Compostela, 9 de febreiro de 2024
Covadonga Toca Carús
Directora xeral do Instituto Galego
de Promoción Económica