De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo pode consultarse na Base de datos nacional de subvencións https://secretaria.uvigo.gal/uv/web/convocatoria/public/show/1278
Primeiro. Persoas beneficiarias
As persoas beneficiarias das axudas será alumando matriculado na Universidade de Vigo en titulacións oficiais de grao e máster en centros propios ou en centros adscritos de titularidade pública que imparten titulacións non impartidas en centros propios (Enfermaría en Ourense, Enfermaría en Pontevedra e Enfermaría no Meixoeiro).
Segundo. Obxecto
O obxecto das axudas é atender as necesidades do estudantado matriculado en titulacións oficiais que presentan circunstancias económicas ou familiares que lle impidan ou dificulten a continuidade dos seus estudos.
Terceiro. Bases reguladoras
Resolución do 29 de xaneiro de 2024 pola que se publican as axudas ao estudo propias desta universidade do curso 2023/24.
Cuarto. Contía
A contía total do crédito destinado a estas axudas será de douscentos mil euros (200.000 €).
Quinto. Prazo de presentación de solicitudes
O prazo para presentar as solicitudes é desde o 30 de xaneiro ata o 26 de febreiro de 2024.
Vigo, 29 de xaneiro de 2024
O reitor da Universidade de Vigo
P.D. (Resolución do 31.10.2023; DOG do 10 de novembro)
Natalia Caparrini Marín
Vicerreitora de Estudantado e Empregabilidade