De conformidade co artigo 8 da Lei 19/2013, do 9 de decembro, de transparencia, acceso á información pública e bo goberno, dáse publicidade ás seguintes encomendas coas seguintes características:
1. Resolución do 28 de decembro de 2023, da Consellería do Mar, pola que se lle encarga ao medio propio Fundación Centro Tecnolóxico del Mar (Cetmar) o apoio á Consellería a través do Cima, na análise das poboacións de semente de mexillón no intermareal rochoso e na avaliación de novos sistemas de captación semente.
– Actividade: a prestación do servizo de apoio á Consellería do Mar a través do Cima, na análise das poboacións de semente de mexillón (Mytilus galloprovincialis) no intermareal rochoso e na avaliación de novos sistemas de captación de semente.
– Natureza e alcance da xestión encomendada: encomenda de xestión a medios propios ao ter a Fundación Centro Tecnológico del Mar (Cetmar), a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o 28 de decembro de 2023 ata o 30 de novembro de 2026.
– Financiamento: tramitouse como expediente anticipado de gasto, con cargo aos orzamentos da Comunidade Autónoma de Galicia para os anos 2024, 2025 e 2026, na aplicación orzamentaria 15.02.723A.641.0, código do proxecto 2023 00242. Cofinanciada polo Fempa nun 70 %.
2. Resolución do 18 de xaneiro de 2024, da Consellería do Mar, pola que se lle encarga ao medio propio Fundación Centro Tecnológico del Mar (Cetmar) a prestación do servizo de elaboración das distintas bases reguladoras e as correspondentes convocatorias das distintas liñas de axuda que posibiliten o apoio financeiro recollido polo Fondo Europeo Marítimo, de Pesca e de Acuicultura (Fempa) ás organizacións profesionais do sector da pesca e da acuicultura recoñecidas no ámbito exclusivo da Comunidade Autónoma de Galicia, así como a aquelas entidades sectoriais que desexen optar a obter este recoñecemento.
– Actividade: a elaboración das distintas bases reguladoras e as correspondentes convocatorias das distintas liñas de axuda que posibiliten o apoio financeiro recollido polo Fondo Europeo Marítimo, de Pesca e de Acuicultura (Fempa) ás organizacións profesionais do sector da pesca e da acuicultura recoñecidas no ámbito exclusivo da Comunidade Autónoma de Galicia, así como a aquelas entidades sectoriais que desexen optar a obter este recoñecemento.
– Natureza e alcance da xestión encomendada: encomenda de xestión a medios propios ao ter a Fundación Centro Tecnológico del Mar (Cetmar), a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o 18 de xaneiro de 2023 ata o 30 de novembro de 2024.
– Financiamento: tramitouse con cargo aos orzamentos da Comunidade Autónoma de Galicia para o ano 2024, na aplicación orzamentaria 15.02.723A.640.1, código do proxecto 2023 00193. Cofinanciada polo Fempa nun 70 %.
Santiago de Compostela, 23 de xaneiro de 2024
Silvia Cortiñas Fernández
Secretaria xeral técnica da Consellería do Mar