De acordo co previsto no artigo 116 do Regulamento do dominio público hidráulico, aprobado polo Real decreto 849/1986, do 11 de abril, publícase, para xeral coñecemento que, mediante Resolución da Dirección de Augas de Galicia do 6 de setembro de 2023 e, como resultado do expediente incoado para o efecto, outorgouse á Comunidade de Usuarios A Garrida a oportuna novación de concesión para aproveitar 257.877,54 m3 anuais de auga procedente de 25 captacións situadas nos lugares da Garrida, Sobreira e Marcosende das parroquias de Valadares (Santo André) e Zamáns (San Mamede), no concello de Vigo (Pontevedra), e no lugar de Eiras, parroquia de Vincios (Santa Mariña), no concello de Gondomar (Pontevedra), con destino a abastecemento e a rega.

Santiago de Compostela, 18 de decembro de 2023

José Ángel Someso Anguita
Xefe do Servizo de Tramitación de Autorizacións e Concesións