Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:
Solicitante: UFD Distribución Electricidad, S.A.
Domicilio social: avenida de América, 38, 28028 Madrid.
Denominación: LMTS BAL701 e CT Beirán.
Situación: Vigo.
Características técnicas:
– Liña de media tensión subterránea (LMTS) a 15 kV, con condutor tipo RHZ1-2OL 12/20 kV 1×240 mm2 Al, de 1.081 metros de lonxitude, coa orixe no centro de transformación existente Beirán (36CBBH) e final no empalme coa LMTS BAL7012802, na arqueta existente diante do número 21 no camiño Carrazóns, facendo entrada e saída no novo centro de transformación proxectado Beirán.
– Centro de transformación compacto de 250 kVA, con relación de transformación de 15 kV/400 V, situado na parcela con referencia catastral 54057A143000280000BL, no camiño Simona.
A instalación está situada no camiño dos Carrazóns, estrada de Beirán e camiño Simona, na parroquia de Matamá, no concello de Vigo (Pontevedra).
A relación concreta e individualizada dos bens ou dereitos que se van expropiar figura no anexo.
Todas aquelas persoas ou entidades que se consideren afectadas poderán presentar as súas alegacións nesta xefatura territorial, avenida María Victoria Moreno, 43, 36071 Pontevedra, no prazo máximo de trinta días, a partir da última publicación ou notificación individual.
O proxecto encóntrase á disposición do público para a súa consulta no portal da Consellería de Economía, Industria e Innovación (https://economia.xunta.gal/transparencia/documentos-sometidos-a-informacion-publica?langId=gl_ES) durante o prazo de trinta días hábiles, contados a partir do día seguinte ao da publicación deste anuncio no Diario Oficial de Galicia.
Durante o dito período calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.
Pontevedra, 26 de decembro de 2023
Beatriz López del Olmo
Xefa territorial de Pontevedra
ANEXO
Nº expediente: IN407A 2023/453-4.
Denominación: LMTS BAL701 e CT Beirán.
Concello: Vigo.
Nº |
Lugar |
Cultivo |
Referencia catastral |
Titular |
CT (m2) |
Afeccións |
|
ml sub. |
m2 sub. |
||||||
1 |
Beirán |
Urbana |
54057A143000280000BL |
Vanesa Rodríguez Ogando |
14,96 |
8,98 |
17,87 |