Mediante a Resolución reitoral do 2 de outubro de 2023 (DOG do 11 de outubro e BOE do 24 de novembro), convócanse proceso selectivo para cubrir, polo sistema de acceso libre, praza de persoal laboral da categoría de técnico/a especialista de investigación, no marco de estabilización extraordinaria de emprego temporal.
Rematado o prazo de presentación de solicitudes,
RESOLVO:
Primeiro. Declarar aprobada e facer pública a listaxe provisional de persoas admitidas e excluídas ao citado proceso pola quenda de acceso libre.
Segundo. Indicar que a citada listaxe provisional está exposta no taboleiro electrónico da USC e na web: http://imaisd.usc.es/seccion.asp?i=gl&s=-2-26-128-364
Terceiro. As persoas aspirantes excluídas ou que non figuren na relación de admitidas dispoñen dun prazo de dez días hábiles, contados a partir do seguinte ao da publicación desta resolución no Diario Oficial de Galicia, para poder emendar os defectos que motivasen a exclusión ou a omisión.
Cuarto. Para emendar a exclusión ou omisión cubrirase o formulario de emendas do catálogo de procedementos na seguinte ligazón:
https://sede.usc.es/formularios/solicitudes/emendaSelecPersoalFuncionario.htm
Quinto. As persoas aspirantes que, dentro do prazo sinalado, non emenden a exclusión ou aleguen a omisión, xustificando o dereito a seren incluídas na relación de persoas admitidas, serán definitivamente excluídas do proceso selectivo.
Sexto. Nomear as persoas que a continuación se relacionan, membros titulares e suplentes do tribunal cualificador do proceso selectivo:
Tribunal titular:
Presidenta:
– Diana Santiago Iglesias, profesora titular de universidade da USC.
Vogais:
– Luisa Ferreiro Couselo, funcionaria de carreira da escala administrativa da USC.
– Mercedes Otero Cristobo, persoal laboral fixo do grupo III da USC.
– Antonio Pazos Álvarez, persoal laboral fixo do grupo III da USC.
Secretario:
– David Lorenzo Martínez Martín, funcionario de carreira da escala administrativa da USC.
Tribunal suplente:
Presidenta:
– Marta Lores Aguín, catedrática de universidade da USC.
Vogais:
– Antonio Delgado Suárez, funcionario de carreira da escala administrativa da USC.
– Manuel Pérez Calvelo, persoal laboral fixo do grupo III da USC.
– Lucía Bellón Pita, persoal laboral fixo do grupo III da USC.
Secretario:
– Manuel Boquete Botana, funcionario de carreira da escala administrativa da USC.
Santiago de Compostela, 12 de xaneiro de 2024
Antonio López Díaz
Reitor da Universidade de Santiago de Compostela