Convócanse, para a súa provisión, as cadeiras de académico/a numerario/a de Medicina Interna, Oftalmoloxía e Xeriatría.
Para poder aspirar a tales cadeiras, é preciso ter nacionalidade española e residir en Galicia, así como estar en posesión do título de doutor en Medicina. Por outra banda, deberán posuír un relevante e acreditado prestixio científico e profesional, avalado polas súas responsabilidades, investigación, publicacións ou traballos científicos orixinais.
Ninguén poderá presentar persoalmente a súa candidatura para o posto de académico/a.
As propostas serán formuladas por tres académicos/as de número, dos que polo menos un deberá pertencer á sección en que estea incluída a dita vacante.
Non se tramitará ningunha proposta que leve máis de tres sinaturas nin as que leven sinaturas que figuren xa noutra candidatura concorrente á mesma praza.
As propostas deberán ir acompañadas dun currículo do candidato e presentaranse na Secretaría da Real Academia de Medicina (R / Durán Loriga, 10-2º, 15003 A Coruña), no prazo de 15 días naturais a partir da publicación deste anuncio.
A Coruña, 29 de decembro de 2023
Alberto Juffé Stein
Académico numerario-secretario xeral da
Real Academia de Medicina de Galicia